Շաբաթվա աշխատանքային նախագիծ՝ 14.08.2017-18.08.2017թթ.
Առավոտյան ծես
Ծեսը սկսվում է իրար ողջունելով, բակն ու լողափը կենդանացնելով ու ջրին բարևելով: Ապա երեխաները հագնում են լողազգեստները, կահավորում ենք բակը, նախավարժանք անում, միրգ ուտում, նախաճաշում ու կազմակերպում ենք մեր գործունեությունը:
Աշխատանքային գործունեություն— ,, Բկլիկ-ձկնիկը ,, ոտանավորի բեմադրում ջրում, անգլերեն երգի ուսուցում, մրգային աղցանի պատրաստում, ,, Գորտը ,, ոտանավորի ուսուցում
Շաբաթվա ոտանավորը- ,, Գորտը ,,՝
Աթաբեկ Խնկոյան
Գորտը
Լքուն, փքուն Աչք ածելով՝
Գորտը կռռան, Ասավ._ ո՞ւր է
Ջրհորի մեջ Մեծ է ծովը,
Ջրի վրան, Չորս թիզ չկա
Իր չորս կողմը Իմ թզովը:
Լքուն, փքուն Աչք ածելով՝
Գորտը կռռան, Ասավ._ ո՞ւր է
Ջրհորի մեջ Մեծ է ծովը,
Ջրի վրան, Չորս թիզ չկա
Իր չորս կողմը Իմ թզովը:
Շաբաթվա երգ՝- Անգլերեն երգ՝
Շաբաթվա խոհանոցային գործունեություն՝— Պատրաստելու ենք մրգային աղցան
Շաբաթվա թատերական գործունեություն՝- Ջրում բեմադրելու ենք ,, Բկլիկ-ձկնիկը ,, ոտանավորը
Շաբաթվա խաղը՝— ,, Գնացք ,,
Շաբաթվա հեքիաթը՝- ,, Ծիտը ,,
ԾԻՏԸ
Լինում է, չի լինում մի ծիտ։
Մի անգամ էս ծտի ոտը փուշ է մտնում։ Դես է թռչում, դեն է թռչում, տեսնում է՝ մի պառավ փետի է ման գալի, թոնիր վառի, հաց թխի։ Ասում է.
— Նանի ջան, նանի, ոտիս փուշը հանի, թոնիրդ վառի, ես էլ գնամ քուջուջ անեմ, գլուխս պահեմ։
Պառավը փուշը հանում է, թոնիրը վառում։ Ծիտը գնում է, ետ գալի, թե՝ փուշը ետ տուր ինձ։
Պառավն ասում է.
— Փուշը թոնիրն եմ գցել։
Ծիտը կանգնում է, թե՝
— Իմ փուշը տուր, թե չէ դես թռչեմ, դեն թռչեմ, լոշիկդ առնեմ, դուրս թռչեմ։
Պառավը մի լոշ է տալի։ Ծիտը լոշն առնում է թռչում։ Գնում է տեսնում՝ մի հովիվ անհաց կաթն է ուտում։ Ասում է.
— Հովիվ ախպեր, կաթն ինչո՞ւ ես. անհաց ուտում։ Ա՛յ լոշը ա՛ռ, կաթնի մեջ բրդի՛, կե՛ր, ես էլ գնամ քուջուջ անեմ, գլուխս պահեմ։
Գնում է, ետ գալի, թե՝ լոշս տուր։
Հովիվն ասում է.
— Կերա։
— Չէ՛,— ասում է,— իմ լոշը տուր, թե չէ դես թռչեմ, դեն թռչեմ, գառնիկդ առնեմ, դուրս թռչեմ։
Հովիվը ճարահատած մի գառն է տալի։ Առնում է թռչում։ Գնում է տեսնում՝ մի տեղ հարսանիք են անում, մսացու չունեն, որ մորթեն։ Ասում է.
— Ի՞նչ եք մոլորել։ Ա´յ, իմ գառն առեք, մորթեցեք, քեֆ արեք։ Ես էլ գնամ քուջուջ անեմ, գլուխս պլստեմ։
Գնում է, գալի, թե՝ իմ գառը տվեք։
Ասում են.
— Մորթել ենք կերել, ո՞րտեղից տանք։
Սա կանգնում է, թե՝ չէ, իմ գառը տալիս եք՝ տվեք, թե չէ՝ դես թռչեմ, դեն թռչեմ, հարսին առնեմ, դուրս թռչեմ։
Ու հարսին առնում է թռչում։
Գնում է, գնում, գնում է տեսնում՝ մի աշուղ մի ճամփով գնում է։
Ասում է.
— Աշուղ ախպեր, առ էս հարսին պահի քեզ մոտ։ Ես էլ գնամ քուջուջ անեմ, գլուխս պահեմ։
Գնում է, ետ գալի աշուղի առաջը կտրում, թե՝ իմ հարսը ինձ տուր։
Աշուղը ասում է.
— Հարսը գնաց իրենց տուն։
Սա թե՝ չէ, իմ հարսը տուր, թե չէ՝ դես թռչեմ, դեն թռչեմ, սազիկդ առնեմ դուրս թռչեմ։
Աշուղը սազը տալիս է իրեն։
Սազն առնում է, ուսը գցում, թռչում, մի տեղ նստում է, սկսում է ածել ու ճըտվըտալով երգել.
Ծընգլը, մընգլը,
Փուշիկ տվի, լոշիկ առա,
Լոշիկ տվի, գառնիկ առա,
Գառնիկ տվի, հարսիկ առա,
Հարսիկ տվի, սազիկ առա,
Սազիկ առա, աշուղ դառա,
Ծընգլը, մընգլը,
Ծի՜վ, ծի՜վ։
Փուշիկ տվի, լոշիկ առա,
Լոշիկ տվի, գառնիկ առա,
Գառնիկ տվի, հարսիկ առա,
Հարսիկ տվի, սազիկ առա,
Սազիկ առա, աշուղ դառա,
Ծընգլը, մընգլը,
Ծի՜վ, ծի՜վ։
